Foto: TIV axborot xizmati
Ashraf Xo‘jayev TIV Tashqi iqtisodiy hamkorlik bosh boshqarmasi (TIHBB) boshlig‘i etib tayinlandi. Bu haqda Tashqi ishlar vazirligi saytida xabar berilgan.
Qayd etilishicha, u bunga qadar Xorijiy investitsiyalar va moliyaviy-texnik ko‘maklashishga qaratilgan mablag‘larni jalb etish boshqarmasi boshlig‘i bo‘lib ishlagan.
TIHBB Xorijiy investitsiyalar va moliyaviy-texnik ko‘maklashishga qaratilgan mablag‘larni jalb etish boshqarmasi, Eksport va tashqi savdo aloqalarini rivojlantirish boshqarmasi, Hukumatlararo komissiyalar faoliyatini muvofiqlashtirish boshqarmasi va Turizmni rivojlantirish sohasida xalqaro hamkorlik boshqarmasini o‘z ichiga oladi.
