18:19 / 27.05.2019
25375
Moskva hibsga olingan ukrainalik dengizchilarni Kiyevga berish haqidagi talabga javob qaytardi
Foto: Aleksey Malgavko / RIA Novosti

Moskvaning Kerch bo‘g‘ozida yuz bergan hodisaga nisbatan pozitsiyasi o‘zgarmaydi va hibsda bo‘lgan ukrainalik dengizchilarning taqdiri tergovning borishi va sud qaroriga bog‘liq. Bu haqda Rossiya prezidenti matbuot kotibi Dmitriy Peskov ma'lum qildi.

«Pozitsiya o‘zgarmaydi. Chegara buzish bilan bog‘liq ish bo‘yicha tergov yakunlanishi va sud bo‘lib o‘tishi lozim», — dedi u.

Eslatib o‘tamiz, 2018 yil noyabrda Ukraina HDKning uchta kemasi Rossiya chegarasini buzib kirgan va xavfli manyovrlarni sodir etgan.

Chegarachilar kemalarni hibsga olgan. Kemalarda 24 nafar harbiy, jumladan, Ukraina xavfsizlik xizmatining ikki nafar xodimi bo‘lgan.

Avvalroq BMT qoshidagi dengizchilar huquqini himoya qiluvchi xalqaro tribunal Rossiyadan ukrainalik dengizchilarni qo‘yib yuborishni talab qilgandi.

Mavzu
Ukraina va Rossiya munosabatlarida taranglik
25 noyabr kuni Rossiya FXX Ukrainaning uchta harbiy kemasi Rossiya hududiy suvlariga noqonuniy kirgani haqida xabar berdi. Ular Odessadan Mariupolga yo‘l olgan, ammo ularni Kerch bo‘g‘ozidan o‘tkazishmagan.
Barchasi
Top