8518.68 USD +5.11

9652.52 EUR +145.42

131.33 RUB +0.92

10847.7 GBP +94.20

17:42 / 31.05.2019 3838

Chirchiqda shartli jangarilar hujumini qaytarish bo‘yicha maxsus-taktik o‘quvlar o‘tkazildi

Mudofaa vazirligiga qarashli Toshkent viloyatidagi harbiy qismlardan birida «Obektda tabiiy va texnogen xususiyatli favqulodda vaziyatlar hamda terrorchilik va yong‘in sodir bo‘lganda korxona ma'muriyati va fuqaro muhofazasi tuzilmalarining harakatlari» mavzusida maxsus-taktik o‘quvi o‘tkazildi. 

Foto: Mudofaa vazirligi matbuot xizmati

O‘quvda Mudofaa vazirligi Toifalangan obektlarni qo‘riqlash qo‘shinlari qo‘mondonligi harbiy xizmatchilari, «O‘rta Chirchiq GES Kaskadi» unitar korxonasi, Toshkent viloyati va Bo‘stonliq tumani FVB hamda Bo‘stonliq tumani IIO xodimlari ishtirok etdi. 

Foto: Mudofaa vazirligi matbuot xizmati

Rejaga asosan harbiy qism ofitserlar tarkibi bilan hafta davomida alohida va birgalikdagi qo‘mondonlik-shtab tayyorgarligi mashg‘ulotlari o‘tkazildi. Jangovar harakatlar o‘yin xaritasi chizilib, mashg‘ulotda foydalanish uchun tayyorlandi. Maxsus-taktik o‘quv ikki bosqichda amalga oshirildi.

Mashg‘ulot g‘oyasiga ko‘ra, shartli dushman jangarilari yengil avtomobilda Toshkent—Sijjak yo‘lidagi Chirchiq daryosida joylashgan ko‘prikka qurolli hujum uyushtirdi. Hujum ko‘prikni qo‘riqlayotgan harbiy xizmatchilar tomonidan qaytarilib, shartli dushmanga talofat yetkaziladi. 

Mashq davomida rejalashtirilgan barcha o‘quv savollar amalda bajarildi. Harbiy xizmatchilar kerakli ko‘nikma hosil qildi. Bo‘linma komandirlari jang mobaynida bo‘ysunuvchilarni boshqarish ko‘nikmalarini takomillashtirdi.

Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati
Top