19:49 / 05.06.2019
98785

O‘zbekistonda Shavkat Mirziyoyev kiyib olgan krossovkalarni yetkazishga buyurtmalar olina boshlandi 

Internetda O‘zbekiston Prezidenti Shavkat Mirziyoyevning krossovkalarda palov tayyorlayotgan surati qizi tomonidan e'lon qilingandan keyin onlayn sotuvchilar xuddi shu turdagi krossovkalarning yetkazilishiga buyurtmalar ola boshlashdi. 

Sotuvchilarning e'lonlariga ko‘ra, bu modeldagi “original” krossovkaning yetkazilishi xaridorlarga 550 dollarga aylanadi.

Ijtimoiy tarmoqlar foydalanuvchilarining ta'kidlashicha, Z Zegna brendi ostida chiqariluvchi ushbu krossovkaning onlayn tarzda yetkazilishining haqiqiy narxi 400 dollarga yaqinni tashkil qiladi. Bundan esa uddaburon sotuvchilar ushbu modeldagi krossovkalarning O‘zbekistonning birinchi shaxslari orasida ommalashgani ortidan mo‘maygina pul ishlab olishga qaror qilganlarini ko‘rish mumkin.

Top