22:08 / 08.06.2019
3938
Qozog‘iston prezidenti saylovini tashkillashtirish ishlariga 23 mln dollarga yaqin mablag‘ sarflandi

Qozog‘iston prezidenti saylovini tashkillashtirish ishlariga 9,4 mlrd tenge mablag‘ sarflandi. Bu haqda Qozog‘iston MSK kotibi Sabila Mustafina ma'lum qildi.

"Mazkur saylov kampaniyasining umumiy budjeti 9,4 mlrd tenge. Bu 23 mln dollarga yaqin", - dedi u.

Shanba kuni Qozog‘istonda osoyishtalik kuni hukm surdi: prezident lavozimiga nomzodlarni har qanday usulda tashviqot qilish taqiqlandi. Bu taqiq ovoz berish kuni ham amal qiladi. 

Qozog‘iston prezidentligi uchun navbatdan tashqari saylov 9 iyun kuni bo‘lib o‘tadi. Davlat rahbari lavozimiga yetti nomzod, jumladan, amaldagi prezident Qosim-Jomart Tokayev da'vogarlik qilmoqda. 

Top