8584.5 USD +6.14

9673.87 EUR +45.52

136.34 RUB +1.82

10793.3 GBP +50.61

07:49 / 03.07.2019 10729

Jizzax viloyati xalq ta'limi boshqarmasiga yangi rahbar tayinlandi

Xalq ta'limi vazirining buyrug‘i bilan Jizzax viloyati xalq ta'limi boshqarmasiga yangi rahbar tayinlandi. Bu haqda Xalq ta'limi vazirligi axborot xizmati xabar bermoqda.

Dilfuza Ro‘ziqulovna Sadriddinova
Foto: Xalq ta'limi vazirligi axborot xizmati

2019 yilning 1 iyul kunidan boshlab, Dilfuza Ro‘ziqulovna Sadriddinova Jizzax viloyati xalq ta'limi boshqarmasi rahbari lavozimida o‘z faoliyatini boshladi.

Dilfuza Sadriddinova 1994 yili Jizzax davlat pedagogika institutini tamomlagan. 1994 yildan shu kunga qadar xalq ta'limi sohasida turli lavozimlarda ishlab kelgan.

Yangi tayinlovga qadar, 2004 yildan beri Jizzax shahridagi eng nufuzli maktablardan biri hisoblangan 22-ixtisoslashtirilgan davlat umumta'lim maktabi direktori lavozimida ishlab kelgan.

Dilfuza Sadriddinovaga Jizzax viloyati xalq ta'limi boshqarmasi rahbari lavozimi vazifasida viloyatdagi umumiy o‘rta ta'lim muassasalari faoliyatini takomillashtirish va ta'lim sifatini oshirishga qaratilgan islohotlarni amalga oshirish vazifasi yuklatilgan.

Top