11:24 / 06.07.2019
55643

Farg‘ona viloyati bosh imom-xatibi lavozimidan ozod etildi 

Joriy yilning 5 iyul kuni Farg‘ona viloyatida imom-xatiblarning yig‘ilishi bo‘lib o‘tdi. Bu haqda O‘zbekiston musulmonlari idorasi masjidlar bo‘limi xabar qilmoqda.

Foto: O‘zbekiston musulmonlari idorasi Matbuot xizmati

Qayd etilishicha, yig‘ilishda tashkiliy masala ko‘rildi. O‘zbekiston musulmonlari idorasining Farg‘ona viloyatidagi vakili, viloyat bosh imom-xatibi Salim Qodirov o‘z ixtiyoriga binoan egallab turgan lavozimidan ozod etildi.

Farg‘ona viloyati Marg‘ilon shahar bosh imom-xatibi va “Xonaqoh” jome masjidi imom-xatibi Ubaydulloh Abdullayev Farg‘ona viloyati bosh imom-xatibi vazifasini bajaruvchi etib tayinlandi. 

Foto: O‘zbekiston musulmonlari idorasi Matbuot xizmati
Foto: O‘zbekiston musulmonlari idorasi Matbuot xizmati

Ubaydulloh Abdullayev 1975 yil Farg‘ona viloyati Marg‘ilon shahrida tug‘ilgan, 1998 yil Andijondagi Sayyid Muhiddin Maxdum madrasasini tamomlagan. 1998-2014 yillarda Marg‘ilondagi Qutayba ibn Muslim masjidida imom-xatib, 2014 yildan esa Xonaqoh masjidi va Marg‘ilon shahar bosh imom-xatibi sifatida ishlagan.

 Salimjon qori Qodirov.
Foto: Fargonaziyo.uz

Eslatib o‘tamiz, may oyida Salim Qodirov «Islomda ayol huquqlari» muallifi Nigoraxon Yusupova tomonidan plagiatda ayblagandi. Nigora Yusupova Salim Qodirov nomidan chop etilgan «Ayolni e'zozlagan din» kitobi aslida Yusupovaning 2006 yildagi «Islomda ayol huquqlari» monografiyasidan ko‘chirilganini aytgandi.

Top