«Issiqlik elektr stansiyalari» AJ matbuot xizmati Taxiatosh IES AJda sodir bo‘lgan texnologik nuqsonlar to‘g‘risida ma'lumot berdi.
«Bugun, 18 iyul kuni soat 10dan 43 daqiqa o‘tganda Taxiatosh IES AJning 8-energobloki texnologik himoya tizimi ishlashi natijasida o‘chdi. Oradan 12 soniya o‘tganda 7-energoblok va 1-turboagregat ham texnologik himoya tizimi ishlashi natijasida o‘chdi.
Soat 10dan 59 daqiqa o‘tganida 1-turboagregat ishga tushirildi.
Hozirgi vaqtda 7 va 8-energobloklarni ishga tushirish ishlari olib borilmoqda», deyiladi xabarda.
Bundan avvalroq Taxiatosh IESda yirik avariya ro‘y berishi natijasida Xorazm viloyati va Qoraqalpog‘istonning ba'zi tumanlari svetsiz qolgani to‘g‘risida xabar berilgandi.
