08:46 / 05.08.2019
20605
AQSh Fors ko‘rfaziga Eron katerlariga qarshi F-15 qiruvchi samolyotlarini jo‘natdi 
Foto: REUTERS

AQSh Fors ko‘rfaziga Eronning kichik kemalarini ommaviy yo‘q qilishga qodir yuqori aniqlikdagi qurol bilan qurollangan F-15 qiruvchi samolyotlarini navbatchilikka jo‘natdi. Bu haqda The Drive portali xabar berdi. 

Zarbdor qiruvchi samolyotlarning ko‘rfazga jo‘natilgani haqida AQSh harbiy-havo kuchlarining 380-ekspeditsion eskadrilyasi shtabi ma'lum qildi. Xabarda ta'kidlanishicha, samolyotlar AQSh harbiy-dengiz flotining Hurmuz bo‘g‘ozi orqali o‘tuvchi kemalariga hamrohlik qilish va jangovar navbatchilikni o‘tash uchun yuborilgan. 

Portal jurnalisti AQShning BAAdagi bazasiga jo‘natilgan samolyotlar suratlarini tahlil qilib, ularda Eron yaqinda xorijiy neft tankerlariga hujumda qo‘llagan katerlarni yo‘q qilish uchun “mukammal” qurol o‘rnatilganini ta'kidlab o‘tgan.

Bundan tashqari, jurnalistning ta'kidlashicha, harbiy samolyotlar Eron flotining har qanday kemasini yo‘q qila oladigan qurol bilan ta'minlangan.

Top