Yurak-qon tomir tizimi kasalliklari — yurak, arteriyalar va venalar kasalliklari. Ular juda ko‘p va xilma-xil. Bu kasalliklarning ba'zilari (revmatizm, miokardit va boshqalar) yurakni, ayrimlari arteriya (ateroskleroz) yoki venalarni (masalan, tromboflebit), boshqalari butun yurak-qon tomir tizimini shikastlaydi (gipertoniya kasalligi).
Yurak-qon tomir tizimi kasalliklari dunyo bo‘yicha hozirgi kunga qadar nogironlik va o‘limning asosiy sababi ekanligicha qolmoqda. Jahon sog‘liqni saqlash tashkiloti ma'lumotlariga ko‘ra, barcha o‘lim holatlarining 56 foizi yurak-qon tomir tizimi kasalliklari oqibatida kelib chiqadi. Yevropa mamlakatlarida yurak-qon tomir kasalliklari yiliga 4,3 mln (48%) aholi o‘limiga sababchi bo‘ladi.
Davlat statistika qo‘mitasi xabariga ko‘ra, O‘zbekiston Respublikasida 2019 yilning yanvar-iyun oylarida vafot etgan fuqarolarning 62,1 foizi holatda aynan qon aylanish tizimi kasalliklari sabab qilib ko‘rsatilgan.
Yurak-qon tomir tizimi kasalliklari insonning turmush tarzi va mavjud xavf omillari bilan uzviy bog‘liq. Ko‘pgina xavf omillari turmush tarzini o‘zgartirish orqali nazorat qilinsa, ayrimlari (arterial gipertoniya, dislipidemiya va qand miqdori) medikamentoz yo‘li bilan korreksiya qilinadi.
Aynan yurak-qon tomir tizimi kasalliklari bilan og‘rigan bemorlar va bu turdagi kasalliklarga qarshi profilaktika o‘tashni istaganlar uchun Janubiy Koreyadagi ko‘p tarmoqli Seul Samsung Medical Center klinikasidan professor Li Sang Chul Toshkentga yaqinda tashrif buyurdi va «O‘zingni Angla» ko‘rsatuvida ishtirok etdi.
Ko‘rsatuvda professor yurak kasalliklari turlari, qon tizimi sohasidagi xavfli holatlar va belgilar haqida ma'lumot, shuningdek, sanab o‘tilgan muammolarning oldini olish haqida ham o‘z maslahatlarini berdi.
E'tiborlisi professor Li Toshkentdagi Himedi konsultatsiya markazida ham yurak kasalliklari va zamonaviy davolash usullari bo‘yicha o‘z maslahatlarini berdi. Ularning ayrimlari bilan tanishamiz:
Kardiomiopatiya - miokardning birlamchi shikastlanishi bilan bog‘liq kasalliklar bo‘lib — yurak-tomir kasalliklari, arterial gipertoniya, orttirilgan va tug‘ma yurak poroklari bo‘lmagan holda yurak mushaklarida tizimli va funksional salbiy o‘zgarishlar mavjudligi hisoblanadi.
Kardiomiopatiya yuzaga kelishi va rivojlanishining asl sabablari hali aniqlanmagan. Ushbu kasallikni yuzaga kelishiga turtki bo‘luvchi bir qator omillar mavjud: irsiyat, tashqi muhitning salbiy ta'siri, virusli infeksiyalar, aoutoimmun kasalliklar, endokrinologik kasalliklar, allergenler ta'siri, alkogolizm, yurak patalogiyalari va boshqalar.
Boshlang‘ich bosqichida kardiomiopatiya odatda belgilarsiz kechadi. Bemorda quyidagi shikoyatlar yuzaga kelishi mumkin: yurak sohasidagi og‘riqlar, kuchli charchoq, umumiy holsizlik, o‘ng qovurg‘a osti qismida kuchli og‘irlik, nafas yetishmasligi, nafas qisib qolishi va boshqa shu kabi alomatlar yuzaga keladi.
Kardiomiopatiyani davolash uning qanday turdagiligiga bog‘liq hisoblanadi:
- gipertofik kardiomiopatiya bu yurak muskullarini qalinlashib ketishi va natijada yurakning qon surish vazifasini buzilishidir. Bunda shifokorlar tomonidan dori vositalari yozib beriladi, ammo xavf mavjud hollarda septal mioktomiya jarrohlik amaliyoti tavsiya etiladi. Amaliyot natijasida qalinlashib ketgan yurak muskullari kichraytiriladi va normal qon aylanishi qayta tiklanadi.
- diliatatsion kardiomiopatiya bu yurakning asosiy qon suruvchi kamerasi – chap qorinchaning kengayib ketish holati bo‘lib bunda yurak qonni to‘liqligicha sura olmay qoladi.
- restriktiv kardiomiopatiyada esa yurak mushaklari qattiqlashadi va ularda elastiklik kamayib ketadi. Natijada yurak kengaymaydi va yurak urishi intervalida yurak yetarlicha qon bilan to‘lmaydi.
Sekin uruvchi yurak uchun impulslar hosil qiluvchi elektron yurak stimulyator, o‘ta xatarli darajada noturg‘un uruvchi yurak uchun defibriliator, qon surish faoliyati buzilgan yurak uchun yordamchi ventrikulyar implanti bemorni turli holatlarda ayniqsa dori-darmonlar yordam bera olmaydigan vaziyatda holatini yaxshilash uchun yechim sifatida bemorga maslahat berilishi mumkin -, deb shifokor tomonidan ta'kidlab o‘tildi.
Yurak klapanlarining orasidagi devori nuqsoni - yurakning anatomik tuzilishidagi turg‘un nuqson, kamchilik va o‘zgarishlar normal qon oqimiga xalaqit beradi. Bu 3 yoshdan katta bolalarda eng tez-tez uchrab turadigan tug‘ma yurak nuqsonlaridan biridir. Bunday holatda, yurakdagi o‘ng va chap atriumni ajratib turadigan interdisferik septum(devorda)da teshik(lar) mavjud bo‘ladi. Bu teshikning mavjudligi chap atriumdan o‘ngga patologik qon oqimiga sabab bo‘ladi va kelajakda yurak va o‘pka muammolarini keltirib chiqarishi mumkin.
Kasallikni tadqiqot qilishning asosiy usuli – ekokardiografiya, bu nuqson, yurakning holati va boshqalar haqida batafsil ma'lumot beradi.
Kasallikni davolashning zamonaviy usuli endovaskulyar usul hisoblanadi. Bunda son venasi orqali uzun naycha shaklidagi kateter yurakka kiritiladi va maxsus qoplama yordamida nuqson berkitiladi.
Agar nuqson hajmi katta bo‘lsa, unda minimal invaziv jarrohlik tavsiya etilishi mumkin. Bunda bemor ko‘kragining o‘ng qismida 4-6 santimetrlik kesma orqali amaliyot bajarilishi mumkin.
Aortokoronar shuntlash – Bu usul bloklangan yoki o‘ta toraygan koronar arteriyalarda qon oqimini tiklash uchun qo‘llaniladi. Usulning mohiyati shundaki, jarroh qon oqimini tiklash uchun bloklangan koronar arteriyalarni chetlab o‘tishda «shunt» (zaxira qon tomir) hosil qiladi.
Shunt sifatida bemorning oyoq sohasidan transplantatsiya qilingan qon tomir ishlatiladi. Ushbu turdagi jarrohlik amaliyotini natijasida bemorda to‘g‘ri qon oqimi tiklanadi.
Transkateter aorta qopqog‘ini almashtirish (TAVR) odatda og‘ir aorta stenozi bilan tashxislangan bemorlarga tavsiya etiladi. Yurakdan qon tanaga haydalganida aorta qopqog‘i ochiladi va u to‘g‘ri ochilib yopilmaganida bemorga aorta stenozi tashxisi qo‘yiladi. Bu kasallikka davo sifatida tanada mo‘'tadil qon oqimini buzilishiga sabab bo‘lgan eskirgan va toraygan aorta qopqog‘i almashtirish tavsiya etiladi. Transkateter aorta qopqog‘ini almashtirish ba'zan transkateter aorta qopqog‘i implantatsiyasi (TAVI) deb ham ataladi.
TAVR – bu minimal invaziv jarrohlik amaliyoti bo‘lib, bunda naycha shaklidagi kateter oyoqdagi katta qon tomiri orqali yoki ko‘krak qismdagi kichik kesma orqali yurakka yo‘naltiriladi va implant eskirgan aorta qopqog‘i o‘rniga qo‘yiladi. Implantdan so‘ng eski aorta qopqog‘i olib tashlanadi. Yangi implant darhol ishlay boshlaydi.
Aorta stenozini TAVR bilan davolash to‘g‘risida qaror har bir inson uchun yurak bo‘yicha tibbiy va jarroh mutaxassislarining multidisipliner guruhi bilan maslahatlashilgandan so‘ng amalga oshiriladi.
Professor Lini O‘zbekistonga taklif qilgan Himedi konsultatsiya markazi og‘ir turdagi yurak-qon tomir kasalliklarini davolashda Seul Samsung Medical Center mutaxassislarini fikrini bilishni istagan bemor yoki ularning yaqinlari uchun yordam ko‘rsatishga tayyor.
Shuningdek, Himedi konsultatsiya markazi shu yilning avgust oyi 15 va 16-sanalarida Koreya Universiti Anam klinikasi shifokorlarini Toshkent shahriga oshqozon va yo‘g‘on ichak saratonini davolash bo‘yicha xayriya konsultatsiyasi uchun taklif qilgan. Konsultatsiyada ishtirok etishni xohlovchilar quyidagi telefon raqami yoki sayt orqali qabulga yozilishlari mumkin:
+82 1034830979
Qo‘shimcha ma'lumot:
Website: www.Himedi.com/uz
Reklama huquqi asosida