NATOga qarashli F-18 qiruvchi samolyoti Boltiq dengizi ustida Rossiya mudofaa vaziri Sergey Shoyguning samolyotiga yaqinlashishga harakat qildi. Bu haqda RIA Novosti xabar bermoqda.
Xabarda aytilishicha, Su-27 samolyotlari NATO samolyotini quvib yuborgan.
Ma'lumot berilishicha, Rossiya mudofaa vaziri o‘tirgan samolyot ikkita Su-27 qiruvchi samolyotlari hamrohligida Kaliningraddan Moskvaga uchayotgan bo‘lgan.
Boltiq dengizidagi neytral suvlar ustida uning samolyotiga F-18 samolyotlari yaqinlashishga harakat qilgan, ammo Su-27 uchuvchilari qiruvchini siquvga olgan hamda laynerga yaqinlashishga imkon bermagan.