Ukrainaning “Muxolif partiya – Hayot uchun” partiyasi siyosiy kengashi rahbari Viktor Medvedchuk Ukrainada so‘z erkinligi bilan bog‘liq vaziyat o‘zgarganiga baho berdi.
Uning aytishicha, Ukrainada so‘z erkinligiga amal qilish muammosi tang holatga kelgan. “U avvalgi Poroshenko tuzumidagidan ham yomonlashmoqda”, deb ta'kidlab o‘tgan Medvedchuk.
Siyosatchining ta'kidlashicha, so‘z erkinligi bilan bog‘liq vaziyatni sobiq prezident Pyotr Poroshenkodan meros deb bo‘lmaydi. “Radioeshittirish milliy kengashi tomonidan ba'zi kanallar va OAVga nisbatan barcha harakatlar hali odamlarga biror narsa qilmagan yangi hukumatning fuqarolarimizga haqiqatni yetkazishi mumkin bo‘lgan mexanizmlarni tortib olishga harakat qilayotganining isbotidir”, deb ta'kidlab o‘tgan Medvedchuk.
Uning aytishicha, amaldagi prezident Vladimir Zelenskiy axborot hududini tozalab, “hukumatga yoqishga harakat qiladigan OAVni” qoldirishga urinmoqda.
