11:08 / 19.08.2019
5992

Messi umumiy guruh mashg‘ulotlariga qaytdi

Foto: Jose Breton/NurPhoto via Getty Images

«Barselona» yetakchisi Lionel Messi jarohatidan tiklanib, umumiy guruh mashg‘ulotlariga qaytdi.

AS`ning xabar berishicha, 10-raqam egasi bugundan jamoa bilan birgalikda shug‘ullana boshlaydi.

Leo 6 avgust kungi mashg‘ulotda boldir mushaklaridan shikastlanib, AQSh turnesi va La Liganing ilk turidagi «Atletik» bilan o‘yinni (0:1) o‘tkazib yuborgan edi.

Manbaga ko‘ra, Messi «Atletik»ga qarshi bahsda qatnashishi ehtimoli bo‘lgan, ammo bosh murabbiy Ernesto Valverde uning sog‘ligi bilan tavakkal qilmaslikni ma'qul ko‘rgan.

2-turdagi «Betis» bilan o‘yinda «ko‘k-anorranglilar»ning boshqa bir hujumchisi – Luis Suares jarohati bois qatnasha olmaydi. O‘yin 25 avgust, yakshanba kuni «Kamp Nou»da bo‘lib o‘tadi.

Eslatib o‘tamiz, Messi o‘tgan mavsum kataloniyaliklarning 50ta o‘yinida qatnashib, 51ta gol va 22ta golli uzatma muallifi bo‘lgandi. U 10 karra Ispaniya chempioni sanaladi.

Top