«Yuventus» klubi KXDR milliy jamoasi hujumchisi Kvan-Son Xan transferini e'lon qildi.
Turinliklar 20 yoshli futbolchi uchun «Kalyari»ga 5 million yevro to‘ladilar.
Xan 2017 yilda «Kalyari»ga o‘tgan edi. O‘sha mavsumda u jamoasi tarkibida «Palermo»ga qarshi o‘yinda A Seriyada debyut qildi. Ikkinchi o‘yinida esa «Torino» darvozasini ishg‘ol qilib, Italiya chempionatida gol urgan ilk shimoliy koreyalik futbolchi bo‘ldi.
Avvalgi mavsumni u Seriya B vakili «Perudja» klubida ijarada o‘tkazib, 20ta o‘yinda 4ta gol urdi.
Xan KXDR o‘smirlar va yoshlar jamoalari a'zosidir.