22:22 / 12.09.2019
0
8401

Kongoda poyezd relslardan chiqib ketishi oqibatida 50 kishi halok bo‘ldi

Kongo Demokratik Respublikasida poyezdning halokatga uchrashi kamida 50 kishining umriga zomin bo‘ldi. Bu haqda Daily Sabah Africa nashri xabar berdi. 

Mamlakatning gumanitar masalalar va tabiiy ofatlarga qarshi kurashish masalalari vaziri Stiv Mbikayi yana 23 kishi jarohatlanganini ma'lum qilgan.

Yo‘lovchi poyezdi Tanganika viloyatida relslardan chiqib ketib, ag‘darilib ketgan. O‘nlab odamlar poyezd ostida qolib ketgan.

Hukumat qurbonlar soni oshishi mumkinligini aytgan. Voqea joyida qutqaruv operatsiyasi olib borilmoqda. Hukumat halok bo‘lganlar oilalariga hamdardlik bildirgan.

Mavzuga oid
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top