Foto: TASS
Anqara Suriya bilan chegaradagi xavfsizlik hududida “terrorchilik yo‘lagi” tashkil etilishiga yo‘l qo‘ymaydi va u yerda “qochqinlar uchun shaharlar” yaratishni taklif qiladi. Bu haqda Turkiya prezidenti Rajab Toyyib Erdo‘g‘an Suriyadagi vaziyatni tartibga solish bo‘yicha Anqarada Rossiya, Eron va Turkiya prezidentlari ishtirokida o‘tgan uch tomonlama sammitda aytib o‘tdi.
“Suriyaning chegara hududida qochqinlar bog‘bonchilik va dehqonchilik bilan shug‘ullanishlari uchun ularga shahar yaratish kerak. Hamkasblarimga ular uchun infratuzilma yaratish kerakligini tushuntirdim. Terrorchilik yo‘lagi tashkil etilishiga yo‘l qo‘ymaslik lozim”, deb aytgan Turkiya yetakchisi.
