19:03 / 16.09.2019
23
84241
O‘zbekistonda aholining necha foizi to‘yib ovqatlanmasligi ma'lum bo‘ldi
Foto: LiveJournal

O‘zbekistonda aholi o‘rtasida to‘yib ovqatlanmaydiganlarning ulushi rasman ma'lum qilindi. Bu haqda O‘zbekiston Respublikasi qishloq xo‘jaligini rivojlantirishning 2020-2030 yillarga mo‘ljallangan Strategiyasiga 1-ilovada aytilgan.

Qayd etilishicha, 2018 yil holatiga ko‘ra aholi o‘rtasida to‘yib ovqatlanmaydiganlarning ulushi 6,3 foizni tashkil etadi. 2021 yilga kelib bu ko‘rsatkichni 5 foizga, 2025 yilga kelib 3 foizga, 2030 yilga kelib esa 0 foizga tushirish rejalashtirilgan.

Bundan tashqari, 2018 yilda qishloq xo‘jaligi va oziq-ovqat mahsulotlarining eksporti hajmi 2,3 milliard dollarni tashkil etgan bo‘lsa, 2021 yilga kelib bu raqamni 2,8 mlrd, 2025 yilda - 10 mlrd, 2030 yilga kelib esa 20 mlrd dollarga yetkazish mo‘ljallanmoqda. 

Bundan oldin, qishloq xo‘jaligini rivojlantirishning 10 yilga mo‘ljallangan strategiyasi tasdiqlanishi xabar qilingandi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top