Tojikistonda pichoq bilan hujum qilinishi oqibatida rossiyalik ikki harbiy jarohatlandi. Bu haqda RIA Novosti xabar berdi.
"Xatlon viloyati ma'muriy markazi Boxtar shahridagi 201-Rossiya harbiy bazasi bo‘linmasining ikki harbiy xizmatchisi shaxsiy ishlari bilan shaharda yurganida aqlan nosog‘lom shaxs ularni pichoq bilan jarohatlagan", — deb ma'lum qildi agentlik suhbatdoshi.
Tojikiston IIVning ma'lumot berishicha, hujum qilgan shaxs ruhiy kasalliklar shifoxonasida ro‘yxatda turadi.
Jarohatlangan harbiylar Dushanbedagi kasalxonalardan biriga yetkazilgan.