19:10 / 26.09.2019
0
19366
Saudiya valiahd shahzodasi Jamol Qoshiqchining o‘ldirilishi uchun javobgar ekanini tan oldi
Foto : EPA/YURI KOCHETKOV

Saudiya Arabistoni valiahd shahzodasi Muhammad bin Salmon podshohlikning Istanbuldagi konsulligida jurnalist Jamol Qoshiqchining o‘ldirilishi bilan bog‘liq voqea uchun javobgarlikni zimmasiga olishini tan oldi. Bu haqda AQSh jamoat radioeshittirish xizmati PBS (Public Broadcasting Service) saytida joylashtirilgan Frontline sikliga kiruvchi hujjatli film anonsida aytilgan. 

Jurnalist Martin Smitning ushbu filmi 1 oktyabrda efirga uzatiladi.

“Bu men xizmatda bo‘lganimda (PBS variantida “mening navbatchiligimda” deb berilgan) yuz bergan. Men bu voqea uchun barcha javobgarlikni o‘z zimmamga olaman”, deb aytgan Saudiya Arabistonida qiroldan keyin muhimlik bo‘yicha ikkinchi o‘rinni egallovchi shahzoda. Biroq u Qoshiqchi bilan yuz berayotgan voqealardan xabari bo‘lmaganini ta'kidlagan. Shahzodaning aytishicha, “podshohlikda 20 mln fuqaro va 3 mln davlat xizmatchisi bor” va ulardan har birining o‘z vazifasi bor va nima qilayotganini bilishning iloji yo‘q. 

Shahzoda jurnalistni o‘ldirgan “qotillar jamoasi” Ar-Riyod va Istanbul o‘rtasida podshoh oilasiga xizmat ko‘rsatuvchi aviaparkning xususiy biznes-jyetlarida harakatlangani haqidagi savolga javoban “amaldorlar, vazirlarning o‘z vazifasi, javobgarlik hududi borligini va ular podshohlik oilasi samolyotlaridan foydalanish huquqiga egaliklarini” aytgan.

Jurnalist Smitning shahzoda bilan suhbati 2018 yil dekabrida Ar-Riyod yaqinida o‘tgan elektromobillar poygasi vaqtida bo‘lib o‘tgan.

Ar-Riyod siyosati haqidagi tanqidiy maqolalari bilan ma'lum bo‘lgan Jamol Qoshiqchi 2018 yil 2 oktyabrda Istanbuldagi konsullikka tashrifi vaqtida bedarak yo‘qolgan. 20 oktyabrda Saudiya Arabistoni rasmiy idoralari jurnalist konsullik binosida janjal vaqtida o‘ldirilganini ma'lum qilgan. Jahon hamjamiyati ushbu jinoyatni keskin qoralab, Ar-Riyodni ochiq-oydin tergov o‘tkazishga chaqirgan.

Mavzu
Jamol Qoshiqchining o‘limi
The Washington Post nashri uchun ishlaydigan jurnalist Jamol Qoshiqchi 2 oktabr kuni Saudiya Arabistonining Istanbuldagi bosh konsulligi binosiga kirib ketgach, izsiz yo‘qoldi
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top