Foto: AP Photo / Vahid Salemi
Eronning Bag‘doddagi elchisi Eronga tahdid tug‘ilsa, AQShning Iroqdagi harbiylariga zarba berilishi mumkinligini aytdi.
"Bizda amerikaliklar bilan muammolar bor: agar ular Eronga tahdid qilishsa, ular hamma joyda xavf ostida qolishadi", - dedi elchi Iraj Masjidiy Dijla telekanaliga bergan intervyusida.
"Eronga AQSh tomonidan tahdid bo‘lsa, Eron kuch bilan javob qaytaradi. Biz himoyalanamiz", - dedi u.
U shu bilan birgalikda Eron mintaqada vaziyat keskinlashishini istamasligini ma'lum qildi.
Iroq mudofaa vazirligi rasmiy vakili Tahsin al-Xafajiy Eron diplomatining so‘zlariga izoh berdi.
"Iroq Eronga hujum qilish uchun platsdarm bo‘lmaydi, shuningdek Iroq hududidagi Amerika manfaatlariga tahdid qilinishiga ham yo‘l qo‘ymaydi", - dedi u.
