12:03 / 30.09.2019
7
70316

Abramov kengaytirilgan tarkibni e'lon qildi. Unda yangi nomlar bor

Foto: Tribuna.uz

O‘zbekiston milliy jamoasining Yaman va Singapurga qarshi o‘yinlar uchun kengaytirilgan tarkibi aniq bo‘ldi. Unda bir qator yangi nomlarni uchratish mumkin. Masalan, «Nasaf» sardori Umar Eshmurodov faoliyatida ilk marta milliy jamoadan taklif oldi.

Abramov «Bunyodkor»da o‘ynayotgan shogirdlaridan 4 nafarini ham milliy jamoaga chaqirdi. Lutfullo To‘rayev 4 yillik tanaffusdan so‘ng yana bosh jamoaga qaytgan bo‘lsa, Dilshod Ahmadaliyev va Abdumavlon Abdujalilovlar uchun milliy jamoa eshiklari ilk marta ochildi.

Tarkibda shuningdek «Metallurg» sardori Akbar Ismatullayevni ham uchratish mumkin. Shuningdek, Jamshid Iskanderov ham uzoq muddatdan so‘ng yana bosh jamoaga chaqirildi. Demak Yaman va Singapurga qarshi o‘ynashi mumkin bo‘lgan kengaytirilgan tarkib quyidagicha ko‘rinish oldi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top