20:18 / 01.10.2019
0
6983
Bezos Amerikaning eng boy kishilari ro‘yxatida qatorasiga ikkinchi bor yetakchi bo‘ldi

Amazon onlayn-riteyleri asoschisi va rahbari Jyeff Bezos Amerikaning eng boy 400 kishisi ro‘yxatida qatorasiga ikkinchi bor yetakchi bo‘ldi. Bu haqda Forbes jurnali xabar berdi.

Nashr Bezosning boyligini 114 milliard dollar deb baholadi. O‘tgan yili uning boyligi 160 milliard dollar deb baholangandi. 

Qayd etilishicha, biznesmenning “yo‘qotishi” uning xotini Makkenzi bilan “dunyodagi eng qimmat ajrashish” deb nom olgan ajrashish jarayoni yakunlangani bilan bog‘liq. Biznesmenning sobiq xotini uning Amazon kompaniyasidagi ulushining chorak qismini oldi.

Eng boy 400 amerikalikning to‘liq ro‘yxati Forbes saytida 2 oktyabrda e'lon qilinadi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top