14:25 / 09.10.2019
1
31095
Turkiya harbiylari Suriya hududiga kirdi
Foto: Bloomberg

Turkiya o‘z harbiylarini Suriya hududiga kiritishni boshladi. Bu haqda Bloomberg o‘z shaxsi sir qolishini istagan Turkiyadagi manbaga asoslangan holda xabar tarqatdi.

Manbaning aytishicha, turkiyalik harbiylarning vazifasi — kurdlarning qurollangan bo‘linmalarini chegaradan uzoqroqqa chekintirish hisoblanadi, u boshqa detallarni ochiqlamagan.

Eslatib o‘tamiz, Turkiya prezidenti Rajab Erdo‘g‘an 6 oktabr kuni Suriya shimoli-sharqida harbiy amaliyot o‘tkazilishiga tayyorgarlik ko‘rilayotganini ma'lum qilgandi. Bu amaliyot Anqara tomonidan terrorchi guruh sifatida tasniflanuvchi kurdlarning Milliy mudofaa ortyadlariga qarshi qaratilgan. Kurdlarning harbiy bo‘linmalari — AQShning ittifoqchilari sanaladi. AQSh prezidenti Donald Tramp esa  dastlab amerikalik harbiylar Suriyani tark etishini e'lon qildi, ammo ko‘p o‘tmasdan Turkiyani kurdlarga qarshi kuch ishlatishdan tiyilish haqida ogohlantirdi.

Mavzu
Turkiya va kurdlar
Turkiya 9 oktabr kuni Suriya shimolidagi kurdlarga qarshi quruqlikdagi harbiy kampaniya boshladi. «Tinchlik bulog‘i» nomli amaliyotdan maqsad - Turkiya chegaralari yaqinida terrorchilar uchun yo‘lak qoldirmaslik hisoblanadi
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top