08:49 / 11.10.2019
0
14949
Avtosisterna Xitoyda ko‘prikning qulashiga olib keldi (video)
Foto: nst.com.my

Xitoyning Tszyansu viloyatida estakada ko‘prigining qulashi oqibatida kamida 3 kishi halok bo‘ldi, 2 kishi yaralandi. Bu haqda “Sinxua” axborot agentligi xabar berdi. 

Ma'lumotlarga ko‘ra, voqea 10 oktyabrda mahalliy vaqt bilan soat 18:10da Usi shahri yaqinidagi trassada yuz bergan. 

Falokat vaqtida ko‘prik ostidan mashinalar o‘tayotgan bo‘lgan. Natijada ko‘prikning bir qismi uchta mashinani bosib qolgan. 

Dastlabki ma'lumotlarga ko‘ra, ko‘prik me'yoridan ortiq yuklangani sababli qulagan. Politsiya falokat sababchisini aniqlagan. Bu 187 tonna noma'lum yukni tashib ketayotgan avtosisterna haydovchisi bo‘lib, ushbu og‘irlik ko‘prikka ruxsat etilgan yuklamadan bir necha barobar ko‘proqni tashkil qilgan. Haydovchi taqiqlovga qaramasdan, ko‘prikdan harakatlangan va qarama-qarshi tomongacha yetib bora olmagan. U voqea joyidan qochib qolgan.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top