01:21 / 20.10.2019
0
5479
Bloomberg: jahon iqtisodiyoti pasayib ketishidan birgina xato ajratib turibdi

Davlatlar markaziy banklarining kelishilmagan harakatlarisiz jahon iqtisodiyoti 0,5 foizga pasaygan bo‘lardi, deb hisoblaydi Xalqaro valuta jamg‘armasi.

Foto: iStock

XVJ ushbu haftada 2019 yildagi jahon YaIM prognozini 3 foizgacha va 2020 yil uchun 3,4 foizgacha pasaytirdi. Bu tashkilotning keyingi o‘n yillikdagi eng yomon prognozidir. Tashkilot jahon retsessiyasi sur'atini yiliga 2,3 foiz darajasida baholamoqda, deb yozadi Bloomberg.

Ammo jamg‘arma mutaxassislarining fikricha, vaziyat 2008-2009 yillardagi so‘nggi jahon iqtisodiy inqirozidan keskin farq qiladi. So‘nggi inqirozdan farqli ravishda davlatlar markaziy banklari miqdoriy yumshatishning kelishilgan siyosatini amalga oshirmoqda, deb ma'lum qildi XVJning bosh iqtisodchisi Gita Gopinatx.

Uning so‘zlariga ko‘ra, busiz jahon YaIMning o‘sish sur'ati 0,5 foizga past bo‘ladi. Miqdoriy yumshatish siyosati kompaniyalarga mablag‘ olishning arzonroq usullarini taqdim etishdir.  
Birinchi bo‘lib bunday siyosatni 2018 yilda bank rezervlariga bo‘lgan talabni pasaytirib Xitoy xalq banki boshlab berdi. Uning ortidan Federal zaxiralar tizimi stavkani ikki baravarga pasaytirdi.  

Yevropa markaziy banki ham ekspertlar maslahatiga rioya qilib asosiy stavkani pasaytirdi. So‘ngra 10 yilga yaqin vaqt davomida o‘z stavkasini salbiy darajada tutib turgan Yaponiya banki stavkalar o‘sishining oldini olib o‘z obligatsiyalarini sotib ola boshladi.
 

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top