08:40 / 20.10.2019
0
36113
Rossiyaning eng xavfli harbiy kemasi ma'lum qilindi  
Foto: RIA Novosti /Aleksey Kudenko

Military Watch nashri talqiniga ko‘ra, Rossiyaning eng xavfli harbiy kemasi sifatida “Admiral Naximov” raketa kreyseri e'tirof etildi.

Ta'kidlanishicha, ushbu kema Rossiya harbiy-dengiz floti tasarrufiga 2021 yilda o‘tishi kerak. 

Kema ko‘p sondagi qanotli raketalar va eng zamonaviy havo hujumiga qarshi tizim bilan jihozlanadi. Unda radioelektron kurashning yangi tizimlari, “Redut” va “Kortik” zenit-raketa majmualari o‘rnatiladi.

Mavjud ma'lumotlarga ko‘ra, kreyserning asosiy kemalarga qarshi quroli “Tsirkon” raketasi hisoblanib, u ko‘rsatkichlari bo‘yicha AQSh harbiy-dengiz kuchlarining shu turdagi asosiy raketasi – “Garpun”ni ortda qoldiradi.

Nashrning ta'kidlashicha, kema dushman obektlariga uzoq masofalardan xavf sola olishi hisobiga Rossiya qurolli kuchlari qurollanishida turuvchi eng “xavfli harbiy kema”ga aylanishi mumkin.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top