13:40 / 22.10.2019
0
7848
Bir guruh shaxslar MChJning juda ko‘p miqdordagi mulkini firibgarlik yo‘li bilan qo‘lga kiritdi
Illyustrativ foto

Toshkentda MChJning juda ko‘p miqdordagi mulkini firibgarlik yo‘li bilan qo‘lga kiritgan shaxslarga nisbatan jinoyat ishi qo‘zg‘atildi. Bu haqda Bosh prokuratura xabar bermoqda.

Qayd etilishicha, mahkama huzuridagi Departamentning Yashnobod tumani bo‘limi tomonidan tadbirkorlik sub'yektlarining qonuniy huquq va manfaatlarini himoya qilish yuzasidan tergovga qadar tekshiruv o‘tkazilgan.

Unda fuqarolar F.R., B.Z., Sh.A., YaTT R.K. va “Kamol” ismli shaxslar, Buxoro shahridagi “X-A” MChJ bosh hisobchisi M.D.ning ishonchiga kirib, jamiyatdan YaTT R.K. hisob raqamiga qurilish ishlari uchun o‘tkazilgan 340 mln. so‘mni turli savdo tarmoqlariga o‘tkazish orqali naqdlashtirib, “X-A” MChJning juda ko‘p miqdordagi mulkini firibgarlik yo‘li bilan qo‘lga kiritishganligi aniqlangan.

Fuqaro F.R. tomonidan firibgarlik yo‘li bilan qo‘lga kiritilgan mablag‘larning 9.500 AQSh dollariga yengil avtomashina sotib olinib, jinoiy faoliyatdan olingan daromadlar legallashtirilgan.

Mazkur holat yuzasidan fuqarolar F.R., B.Z., Sh.A., YaTT R.K. va “Kamol” ismli shaxslarga nisbatan JKning tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top