Qidiruv qudug‘idan 30-40 tn. gacha neft va 50 ming kub.m. gacha gaz bo‘lgan kunlik hajmda uglevodorodlar oqimi olindi.
27 oktabr 2019 y. kompaniya «O‘zbekneftgaz» AJ bilan hamkorlikda Qashqadaryo viloyati, Qo‘ltak-Qamashi blokida joylashgan Eshonquduq tuzilmasining 3-sonli qudug‘ida GRP amaliyotini qo‘llagan holda to‘liq ta'mirlash ishlarini yakunladi. 29 oktyabrda esa yangi neft-gazkondensat koni ochilganidan dalolat beruvchi uglevodorodlarning sanoat oqimi olindi.
Avvalroq Eshonquduq tuzilmasida «O‘zbekneftgaz» AJ tomonidan uchta qidiruv-izlov qudug‘ida burg‘ilash ishlari olib borilgan, ammo ularda uglevodorodlar oqimi mavjud bo‘lmaganligi tufayli barcha ishlar to‘xtatilgan edi.
Hududning geologik tuzilishi borasidagi hujjatlarni sinchiklab o‘rganilishi natijasida kompaniya 3-sonli quduqda GRP amaliyotini tatbiq etgan holda, yangi zamonaviy texnologiyalarni qo‘llab, to‘liq ta'mirlash ishlarini olib borish to‘g‘risida qaror qabul qildi. Natijada, hisoblangan zaxiralari 10 mln. tn. neft va 7 mlrd. kub.m. gazga teng bo‘lgan yangi kon ochildi.
Ishlar zamonaviy uskuna, ilg‘or uslub va texnologiyalarni joriy etgan holda olib borilmoqda. Mazkur ishlar yakuniga yetgach, chor-atrofdagi hududlarda tuproqni avvalgi holiga keltirish bo‘yicha ishlar amalga oshiriladi.
Kompaniya qilinayotgan ishlar haqida ma'lumot yetkazishda davom etadi.
Epsilon kompaniyasi Matbuot xizmati
