Namoyish qatnashchilari o‘tgan haftada ushbu portga olib boradigan yo‘llarni to‘sib qo‘yishgan, natijada port faoliyati to‘xtab qolgandi.
Iroq janubidagi Umm-Qasr porti hududida namoyishchilar va kuch ishlatish tizimlari xodimlari o‘rtasida yuz bergan to‘qnashuvlarda kamida 120 kishi jarohatlandi. Bu haqda Al Sumaria telekanali xabar berdi.
Namoyish qatnashchilari o‘tgan haftada ushbu portga olib boradigan yo‘llarni to‘sib qo‘yishgan, natijada port faoliyati to‘xtab qolgandi.
Umm-Qasr Iroq uchun muhim ahamiyatga ega bo‘lib, import oziq-ovqat mahsulotlarining sezilarli qismi shu port orqali keltiriladi.
Xabar qilinishicha, mamlakat IIVning tartibsizliklarga qarshi kurashish bo‘linmasi namoyishchilarni tarqatish uchun ko‘zdan yosh oqizuvchi gazlar hamda o‘qotar qurollardan foydalangan.
Iroqda oktyabrdan buyon turmush sharoitlarining yomonligi, ishsizlikning o‘sishi va korrupsiyaga qarshi namoyishlar davom etmoqda. Namoyishchilar hukumat iste'fosini talab qilmoqda.
