22:52 / 13.11.2019
0
9433

Fotojamlanma: «Ipak yo‘lida turizm» xalqaro ko‘rgazmasining ilk kuni qanday o‘tdi?

13 noyabr kuni «O‘zekspomarkaz» milliy ko‘rgazmalar majmuida «Ipak yo‘lida turizm» 25-xalqaro ko‘rgazmasi ochildi.

3 kun davom etadigan yirik tadbir 2ta pavilonda o‘tkazilmoqda. Milliy pavilonda har bir mintaqaning milliy madaniyati va sayyohlik salohiyatining o‘ziga xos xususiyatlarini namoyish etuvchi O‘zbekiston mintaqalarining taqdimot stendlari, shuningdek, «Hunarmandlar shahri» ekspozitsiyasi taqdim etilgan.

Xalqaro pavilonda esa xalqaro transport kompaniyalari, davlat tashkilotlari, diplomatik vakolatxonalar, O‘zbekiston va xorij sayyohlik va kurort maskanlari stendlari joy olgan.

Ko‘rgazmaning ilk kunida «Sharq bozori», «Ipak yo‘li lazzati» milliy taomlar festivali, O‘zbekiston sayyohlik brendi elchilarining xalqaro forumi, Shahrisabz xalqaro milliy kiyimlar festivali taqdimoti, hunarmandlar uchun mahorat darslari va mahsulotlari ko‘rgazmasi bo‘lib o‘tdi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top