16:28 / 17.11.2019
0
4611
AQShdagi universitetda giyohvandlik moddasi ishlab chiqargan ikki kimyogar qo‘lga olindi
Foto: Pinterest

Arkanzas shtatidagi Xenderson universitetining kimyo fanlari bo‘yicha ikki nafar dotsenti metamfetamin ishlab chiqargani uchun hibsga olindi. Bu haqda CNN telekanali xabar bermoqda.

Xabarda aytilishicha, 45 yoshli Terri Devide Beytman va 40 yoshli Allen Roulend 11 oktyabrdan ishdan chetlatilgan.

Universitetning marketing va jamoatchilik bilan aloqalar bo‘yicha vitse-prezidenti Tina Xollning so‘zlariga ko‘ra, 8 oktyabryada universitet ilmiy markazi binoda tarqalgan kimyoviy hid sababli tekshiruv uchun yopilgan.

Markaz havo tozalanganidan so‘ng, 29 oktyabrdan o‘z ish faoliyatini qaytadan boshlagan. Xoll dotsentlar markazda giyohvandlik moddasi ishlab chiqarish bilan shug‘ullanganmi-yo‘qmi, aniqlik kiritmagan.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top