15:41 / 19.11.2019
3
128833

Yaqin qarindoshlarga tegishli transport vositasini ishonchnomasiz boshqarish tartibi belgilandi

Foto: KUN.UZ

Notariat tizimi takomillashtirilganligi munosabati bilan Hukumatning bir qator qarorlariga o‘zgartirish va qo‘shimchalar kiritildi

Unga ko‘ra, transport vositasi egasining sug‘urta polisida ko‘rsatilgan yaqin qarindoshlari (ota-ona, er (xotin), bolalar, aka-ukalar, opa-singillar) transport vositasini notarial tasdiqlangan ishonchnomasiz boshqarishiga ruxsat berildi.

Bunda transport vositasi egasining talabi bilan sug‘urta kompaniyalari tomonidan sug‘urta polisida qarindoshlik darajasi ko‘rsatiladi.

Shuningdek, qaror bilan sug‘urta polisi blankasining yangilangan shakli tasdiqlandi.

Qaror bilan Yo‘l harakati qoidalariga (kiritilgan o‘zgartirishlarga ko‘ra, DYHXX organlari tomonidan sug‘urta polisida ko‘rsatilgan yaqin qarindoshlardan transport vositasini boshqarishi haqida ishonchnoma hamda qarindoshlikni tasdiqlovchi hujjatlar talab qilinmaydi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top