AQSh vitse-prezidenti Maykl Pens e'lon qilinmagan tashrif bilan Iroqqa keldi. Bu haqda o‘z manbasiga tayanib Agence France-Presse (AFP) xabar berdi.
Ma'lumotga ko‘ra, Pens Bag‘dod g‘arbidagi Ayn al-Asad harbiy bazasidagi AQSh harbiylari bilan uchrashadi.
O‘z navbatida Reuters agentligi AQSh vitse-prezidenti tashrif davomida Iroq hukumati rahbari bilan uchrashishini xabar qildi.
AQSh prezidenti Donald Tramp 2018 yil 26 dekabrda Iroqqa e'lon qilinmagan tashrif bilan kelgan va u yerdagi AQSh harbiylari bilan uchrashgandi.
