Britaniyaning Channel 4 telekanali iqlim o‘zgarishiga bag‘ishlangan teledebatlarda studiyaga kelmagan Britaniya bosh vaziri Boris Jonson va Brexit partiyasi yetakchisi Nayjyel Faraj o‘rniga muzdan ishlangan shakllardan foydalandi. Bu haqda Sky News telekanali xabar berdi.
Ta'kidlanishicha, qolgan 5 ta partiya yetakchilari debatlarga kelishgan va iqlim muammolarini muhokama qilishgan. Jonson va Farajga atalgan joylarda esa Yer sayyorasi shaklidagi muz bo‘laklari turgan.
These two ice sculptures - which represent the emergency on planet earth - will take the place of Boris Johnson and Nigel Farage tonight after they declined our invitation to attend a party leaders' #ClimateDebate
— Channel 4 News (@Channel4News) November 28, 2019
Tune in at 7pm on 4 and here on Twitter: https://t.co/GXl7XiFbgA pic.twitter.com/niPE5MLdGV
Jonson yetakchilik qiladigan konservatorlar partiyasi telekanalning bu ishini efirga uzatish kodeksining buzilishi deb topib, nazorat qiluvchi tashkilotga shikoyat yo‘llagan. Konseravtorlar ushbu holatni “betaraflik tamoyilining buzilishi” va “siyosiy fikrni bildirish” deb hisoblab, o‘z shikoyatlarida ushbu “ig‘vogar xatti-harakat”ni tekshirishni so‘rashgan.
Britaniyada 12 dekabrda muddatdan oldin parlament saylovlari bo‘lib o‘tadi. Ular parlament orqali “Brekzit” bo‘yicha kelishuvni o‘tkazmoqchi bo‘layotgan Jonson tashabbusi bilan o‘tkazilmoqda.