Markaziy saylov komissiyasi matbuot xizmatiga Dilshodbek Bahodirovich Nazirov rahbar etib tayinlandi. Bu haqda MSK saytida xabar berilgan.
Dilshodbek Nazirov 1975 yilda tug‘ilgan, oliy ma'lumotli - Toshkent davlat sharqshunoslik institutini tamomlagan. Mutaxassisligi - sharqshunos-filolog, arab tili va adabiyoti o‘qituvchisi.
2018 yil 6 yanvardan O‘zbekiston milliy teleradiokompaniyasi «O‘zbekiston 24» teleradiokanali» davlat unitar korxonasi «O‘zbekiston 24» telekanali Xronikal-hujjatli filmlar va jurnalistik surishtiruvlar studiyasining bosh muharrir lavozimida ishlab kelmoqda.
Eslatib o‘tamiz, 2019 yilning oktabr oyi oxirlarida Navro‘z Rizayev Markaziy saylov komissiyasi matbuot xizmatiga rahbar etib tayinlangandi.