Yakshanba kuni Angliya Premer-ligasi 17-turi doirasida uchta uchrashuv o‘tkazildi. «Manchester Yunayted» ochko yo‘qotgan bo‘lsa, «Manchester Siti» va «Tottenhem» g‘alaba qozondi.
Turning markaziy uchrashuvida «Arsenal» Londonda «Manchester Siti»ga yirik hisobda mag‘lubiyatga uchradi.
«Emireyts» stadionidagi o‘yin taqdiri birinchi bo‘limdayoq hal bo‘ldi. De Bryuynening 2-daqiqadayoq kiritgan tezkor golidan keyin mehmonlar hisobni ochgan bo‘lishsa, 15-daqiqada aynan uning uzatmasidan so‘ng Sterling hisobdagi farqni ikkitaga yetkazdi.
40-daqiqada esa katta sahnaga yana De Bryuyne chiqdi. Kevinning jarima maydoni tashqarisidan yo‘llagan zarbasi oldida Leno yana ojiz qoldi – 0:3.
Birinchi bo‘limdagi yirik hisob o‘yin yakunigacha saqlanib qoldi va ushbu g‘alaba bilan 3-o‘rindagi Pep Gvardiola shogirdlari APL turnir jadvalidagi ochkolari sonini 35taga yetkazib, 2-o‘rindagi «Lester» (39) bilan oradagi farqni 4tagacha qisqartirishdi.
«Arsenal» esa 17-turdan keyin 22 ochko bilan hozircha 9-o‘rinda qolmoqda. Dushanba kungi turning so‘nggi o‘yini «Kristall Pelas» - «Brayton» bahsi mezbonlar g‘alabasi bilan yakunlangan taqdirda, «Kanonirlar» 10-o‘ringa tushib ketishlari mumkin.
«Old Trafford»da kechgan «MYu» - «Everton» uchrashuvida durang qayd etilgan bo‘lsa, «Vulverhempton» - «Tottenhem» o‘yinida Joze Mourino shogirdlari so‘nggi daqiqada safardan g‘alaba bilan qaytishdi.
Ushbu g‘alabadan keyin «Tottenhem» 17 o‘yinda qo‘lga kiritilgan 26 ochko bilan 5-o‘ringa chiqib oldi. Ochko yo‘qotgan «MYu» esa 25 ochko bilan 6-o‘ringa tushdi.
APL. 17-tur. 15 dekabr (yakshanba)
Manchester Yunayted – Everton 1:1
Gollar: 0:1 – 36, o‘z dar. Lindelef, 1:1 – 77 Grinvud.
MYu – De Xea, Uan-Bissaka, Shou, Lindelef, Maguayr, Lingard (Grinvud, 65), Maktomini, Jyeyms (Mata, 86), Fred, Marsyal, Reshford.
Everton – Pikford, Mina, Koulmen, Din (Beyns, 25), Xolgeyt, Bernard (Kin, 70), Ivobi, Risharlison, Devis, Kin, Kelvert-Lyuin.
Ogohlantirishlar: Devis (5), Risharlison (57), Lindelef (66).
Vulverhempton – Tottenhem 1:2
Gollar: 0:1 – 8 Lukas Moura, 1:1 – 67 Traore, 1:2 – 90 Vertongen.
Vulverhempton – Ruy Patrisiu, Kastro, Doerti, Koudi, Moutinyu, Dendonker, Ruben Nevesh, Saiss, Traore, Diogu Jota, Ximenes.
Tottenhem – Gassaniga, Vertongen, Ore, Alderveyreld, Sanches, Dayyer, Lukas Moura, Sissoko, Alli, Son Xyon Min, Keyn.
Ogohlantirishlar: Moutinyu (60), Sanches (64), Kastro (65), Alderveyreld (69), Saiss (75), Dayyer (77).
Arsenal – Manchester Siti 0:3
Gollar: 0:1 – 2 de Bryuyne, 0:2 – 15 Sterling, 0:3 – 40 de Bryuyne.
Arsenal – Leno, Papastatopulos, Kolashinats (Saka, 40), Chembers, Meytlend-Naylz, O‘zil (Smit-Rou, 59), Genduzi, Pepe, Torreyra, Martinelli, Obameyang.
Manchester Siti – Ederson, Otamendi, Mendi, Uoker, Fernandino, Gyundogan (Marez, 70), Foden (Bernardu Silva, 56), de Bryuyne, Rodri Ernandes, Sterling, Gabriel Jyezus.
Ogohlantirishlar: Fernandino (17), Rodri Ernandes (35), Gyundogan (61), Mendi (62), Papastatopulos (72).
17-turning 9ta uchrashuvidan keyin APL turnir jadvalidagi holat:
