Transfermarkt portali 2019 yil yakunlariga ko‘ra, aksariyat futbolchilarning yangi transfer baholarini e'lon qildi.
Unga ko‘ra, Eldor Shomurodov 6,5 million yevro narx bilan nafaqat «Rostov» klubi, O‘zbekiston milliy jamoasining ham eng qimmatbaho futbolchisiga aylanib oldi.
Eldorning transfer narxi o‘sishi dinamikasiga e'tibor qaratsak, 2019 yilning fevral oyi holati bo‘yicha uning bahosi 1 million yevroni tashkil etgan bo‘lsa, 14 iyun kuni bu narx 1,5 million yevroga, 10 sentabr kuni esa 2,5 million yevroga oshgandi. E'lon qilingan yangi narxga ko‘ra, Eldor Shomurodovning transfer bahosi 6,5 million yevro deb ko‘rsatilgan. Natijada 24 yoshli forvard bu borada O‘zbekiston milliy jamoasining eng qimmat futbolchisi bo‘lib turgan Odil Ahmedovni (2,5 mln) ortda qoldirdi.
Ma'lumot uchun, Server Jeparovdan keyin Odil Ahmedov 2012 yildan buyon, 7 yil davomida O‘zbekistonning eng qimmatbaho futbolchisi bo‘lib turgandi. «Transfermarkt»ga ko‘ra, Xitoynning «Shanxay SIPG» klubi 32 yoshli yarimhimoyachisining transfer bahosi 2018 yil yakunida 6 milliondan 4,5 million yevroga pastlagan bo‘lsa, 2019 yilning 27 dekabr holatiga ko‘ra esa, baho yana 2 millionga pasayib, 2,5 mln yevroni tashkil etdi.
2019 yil yakuniga ko‘ra, O‘zbekiston milliy jamoasining quyidagi o‘yinchilari «Transfermarket» tomonidan mamlakatimizning eng qimmatbaho futbolchilari reytingining top-10ligidan o‘rin olgan.
O‘zbekiston milliy jamoasining eng qimmatbaho 10 futbolchisi:
1. Eldor Shomurodov
Klubi: «Rostov»
Tug‘ilgan joyi: Surxondaryo
Transfer bahosi: 6,5 million yevro
2019 yilda: bahosi 5,5 millionga o‘sdi
Yoshi: 24
2. Odil Ahmedov
Klubi: «Shanxay SIPG» (Xitoy)
Tug‘ilgan joyi: Namangan
Transfer bahosi: 2,5 million yevro
2019 yilda: bahosi 2 million yevroga pasaydi
Yoshi: 32
3. Otabek Shukurov
Klubi: «Sharja» (BAA)
Tug‘ilgan joyi: Qashqadaryo
Transfer bahosi: 2 million yevro
2019 yilda: bahosi 750 ming yevroga o‘sdi
Yoshi: 23
4. Jaloliddin Masharipov
Klubi: «Paxtakor»
Tug‘ilgan joyi: Xorazm
Transfer bahosi: 1,8 million yevro
2019 yilda: bahosi 400 ming yevroga o‘sdi
Yoshi: 26
5. Igor Sergeyev
Klubi: «Paxtakor»
Tug‘ilgan joyi: Toshkent
Transfer bahosi: 1,6 million yevro
2019 yilda: bahosi 100 ming yevro o‘sdi
Yoshi: 26
6. Temurxo‘ja Abduxoliqov
Klubi: «Xor-Fakkan» (BAA)
Tug‘ilgan joyi: Toshkent
Transfer bahosi: 1,2 million yevro
2019 yilda: bahosi 300 ming yevroga pasaydi
Yoshi: 28
7. Aziz G‘aniyev
Klubi: «Nasaf»
Tug‘ilgan joyi: Jizzax
Transfer bahosi: 1,1 million yevro
2019 yilda: bahosi 100 ming yevroga o‘sdi
Yoshi: 21
8. Islom To‘xtaxo‘jayev
Klubi: «Lokomotiv»
Tug‘ilgan joyi: Farg‘ona
Transfer bahosi: 1 million yevro
2019 yilda: bahosi 200 ming yevroga o‘sdi
Yoshi: 30
9. Farrux Sayfiyev
Klubi: «Paxtakor»
Tug‘ilgan joyi: Samarqand
Transfer bahosi: 900 ming yevro
2019 yilda: bahosi 300 ming yevroga o‘sdi
Yoshi: 28
10. Dostonbek Hamdamov
Klubi: «Paxtakor»
Tug‘ilgan joyi: Bekobod
Transfer bahosi: 900 ming yevro
2019 yilda: bahosi 100 ming yevroga o‘sdi
Yoshi: 23
Usmon Ibodov tayyorladi.
