«Los-Anjyeles Gelaksi»ning sobiq hujumchisi Zlatan Ibrahimovich faoliyatini «Milan»da davom ettiradi.
38 yoshli futbolchi «rossoneri» bilan 6 oylik shartnomani imzoladi. Uni yana bir mavsumga uzaytirish imkoniyati ham bor. Zlatan «Milan»da 11-raqam ostida to‘p tepadigan bo‘ldi.
Avvalroq uning yarim yillik maoshi 3 mln yevro bo‘lishi haqida xabarlar tarqalgan edi.
Eslatib o‘tamiz, Ibrahimovich 2010-2012 yillar davomida «Milan» sharafini himoya qilgan.
