08:13 / 31.12.2019
0
11570
Urugvayda ayollarga nisbatan zo‘ravonlik holatlari ko‘payayotgani sababli favqulodda vaziyat e'lon qilindi
Foto: RIA Novosti / Mariya Plotnikova

Urugvay prezidenti Tabare Vaskes mamlakatda ayollar o‘ldirilishi holatlari ko‘payayotgani sababli favqulodda vaziyat e'lon qildi.     

“Yaqinda ayollarga nisbatan sodir etilgan zo‘ravonliklar ortida yuz bergan g‘alayonlar sababli prezident milliy darajada favqulodda vaziyat e'lon qilishga qaror qildi”, deyilgan xabarda.

Bundan tashqari, maktablar va turmalarda ayollarni himoya qilishni targ‘ib qilish bo‘yicha kampaniyalar va virtual kurslar o‘tkaziladi.

Urugvay ichki ishlar vazirligi ma'lumotlariga ko‘ra, mamlakatda har kuni jinsiy zo‘ravonlik yuzasidan 108 ta shikoyat qayd qilinadi. Ayollar tashkilotlari vakillarining ta'kidlashicha, 2019 yilda Urugvayda erkaklar qo‘lidan 35 ayol halok bo‘lgan. Jumladan, shunday jinoyatlardan oxirgilaridan biri Rojdestvo ta'tillari vaqtida sodir etilgan: 3 nafar yosh ayol qotillik qurboniga aylangan.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top