Foto: RIA Novosti
Moskva metropoliteni 2019 yilda qancha yo‘lovchi tashigani bo‘yicha ma'lumotlarni taqdim qildi.
“Yo‘lovchilar oqimi bo‘yicha 27 dekabr 2019 yilda rekord kun bo‘ldi. Ushbu kunda Moskva metrosidan 9 432 052 kishi foydalandi”, deyilgan xabarda.
Ta'kidlanishicha, 2018 yilda ham eng ko‘p yo‘lovchilar oqimi dekabr oxiriga to‘g‘ri kelgan. Jumladan, 25 dekabrda 9 mln 358 ming kishi tashilib, 2018 yil uchun rekord kun bo‘lgan.
Umumiy hisobda, 2019 yilda metro xizmatidan 2,56 mlrddan ko‘proq odam foydalangan. Bu ko‘rsatkich 2018 yilga nisbatan 60 mln ko‘proq kishini tashkil qilgan.
