00:23 / 04.01.2020
0
16105
AQSh Yaqin Sharqqa 3 mingga yaqin desantchi yuborishga qaror qildi 
Foto: Global Look Press

AQSh mudofaa vazirligi Yaqin Sharqda qo‘shimcha 3 mingga yaqin harbiyni vaqtinchalik joylashtirishga qaror qildi. Bu haqda NBC telekanali xabar berdi.  

Gap Shimoliy Karolina shtatida joylashgan harbiy-desant kuchlari jangchilari haqida bormoqda. Ulardan bir qismi Kuvaytga, bir qismi esa Iroqqa jo‘natiladi. Tezkor javob berishga mo‘ljallangan ushbu kuchlar Yaqin Sharqda 60 kunga yaqin qolishi rejalashtirilgan.

Shu tariqa, Yaqin Sharqda umumiy hisobda 3,6 ming amerikalik harbiy xizmat olib boradi. 

Telekanal manbalarining ta'kidlashicha, qo‘shimcha kuchlarni yuborish qarori AQShning Bag‘doddagi elchixonasiga hujum bilan bog‘liq holda qabul qilingan va Islom inqilobi soqchilari korpusining “Al-Quds” bo‘linmasi qo‘mondoni Qosim Sulaymoniyning o‘ldirilishiga aloqasi yo‘q.

Mavzu
Qosim Sulaymoniyning o‘ldirilishi
Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top