22:07 / 04.01.2020
0
27982
Iroq o‘z hududida amerikalik harbiylarning faoliyatiga cheklov qo‘ydi
Abdul Karim Xalaf

Iroq o‘z hududida AQSh harbiy kuchlarining faoliyatini cheklash to‘g‘risida qaror qabul qildi. Bu haqda Iroq qurolli kuchlari qo‘mondonligi rasmiy vakili Abdul Karim Xalaf ma'lum qildi.

"Yuz bergan oxirgi voqelardan so‘ng Iroq hududida Amerika kuchlari faoliyatini cheklashga qaror qilindi. Amerika tomoni bundan xabardor qilindi. Ular faqatgina Iroq tomonining roziligi bilan harakat qilishi mumkin, ammo orqadan berilgan bunday zarbadan keyin biz albatta ularning ishlashini cheklaymiz", - dedi u.

Xalaf shuningdek, o‘ldirilgan Eron generalining harakatlanishi, xususan, uning Damashqdan Bag‘dodga uchib kelishi to‘g‘risida ma'lumotga ega bo‘lgan barcha shaxslarga nisbatan surishtiruv ishlari olib borilayotganini ma'lum qildi.

Eslatib o‘tamiz, 2 yanvardan 3 yanvarga o‘tar kechasi Bag‘dodda eronlik general Qosim Sulaymoniy o‘ldirildi. U shaxsan Donald Trampning topshirig‘i bilan amalga oshirilgan operatsiya natijasida halok bo‘ldi.

Mavzu
Qosim Sulaymoniyning o‘ldirilishi
Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top