17:30 / 07.01.2020
3
39171
AQShning B-52 bombardimonchi samolyotlari Eronga yaqin orol hududiga joylashtirildi
Foto: TASS

AQShning Luizina shtati "Barksdeyl" aviabazasidagi oltita B-52 strategik bombardimonchi samolyoti Hind okeanidagi Diyego-Garsiya oroliga keltirildi, deb xabar berdi Fox News.

Telekanalning bildirishicha, baza Eronning janubiy chegarasidan 3700 kilometr masofada joylashgan.

Xabar qilinishicha, har bir bombardimonchi samolyot sakkizta dvigatel bilan jihozlangan bo‘lib, ko‘p miqdorda qurol, qanotli raketalar, lazer boshqaruvli bombalar va gravitatsion atom bombalarini tashishga mo‘ljallangan.

3 yanvar kuni Bag‘doddagi aeroportda amerikalik harbiylarning aviazarbasi oqibatida Islom inqilobi muhofizlari korpusining “Al-Quds” maxsus bo‘linmasi qo‘mondoni general Qosim Sulaymoniy o‘ldirildi. 

Rasmiy Tehron generalning o‘limi uchun Vashingtondan qasos olinishini ma'lum qildi.

Mavzu
Qosim Sulaymoniyning o‘ldirilishi
Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top