22:16 / 07.01.2020
2
6539
Moskva viloyatidagi yong‘inda 8 nafar tojikistonlik migrant halok bo‘lgani aytilmoqda
Foto: Moskva viloyati favqulodda vaziyatlar bosh boshqarmasi / TASS

Moskva viloyatining Ramenskiy tumanidagi issiqxona xo‘jaligida sodir bo‘lgan yong‘in oqibatida 8 kishi halok bo‘ldi, bir kishi shifoxonaga yotqizildi.

Qurbonlar Tojikiston fuqarolari bo‘lgani aytilmoqda. Ba'zi manbalarga ko‘ra, ulardan biri Vetnam fuqarosi ham bo‘lishi mumkin.

Rossiya FVVdan ma'lum qilishlaricha, tonggi soat 05:00 atrofida boshlangan yong‘in 240 kv.m. maydonni qamrab olgan. Dastlabki o‘rganish xulosalariga ko‘ra, yong‘inga isitish priborlaridagi qisqa tutashuv sabab bo‘lgan.

TASS manbasiga ko‘ra, issiqxona joylashgan yer uchastkasi Ozarboyjon fuqarosiga tegishli. U yerda asosan chet ellik muhojirlar lola yetishtirish bilan shug‘ullanishadi.

Hodisa yuzasidan jinoiy ish qo‘zg‘atilgan. Vafot etganlarning shaxsini aniqlash ishlari davom etmoqda.

Mavzu
Migrantlar fojiasi
Xorijda mehnat qiluvchi o‘zbekistonliklar turli baxsiz hodisalar oqibatida halok bo‘lishi holatlari davom etmoqda
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top