08:01 / 10.01.2020
0
11313
Dilyor Hakimov O‘zbekistonning NATO huzuridagi missiyasi rahbari bo‘ldi
Foto: TIV axborot xizmati

2020 yilning 9 yanvar kuni Bryussel shahrida O‘zbekiston Respublikasining NATO huzuridagi missiyasi rahbari, elchi Dilyor Hakimov alyans bosh kotibi Yyens Stoltenbergga ishonch yorliqlarini topshirdi.

TIV xabariga ko‘ra, marosimdan keyin bo‘lib o‘tgan suhbatda tashkilot rahbari prezident Shavkat Mirziyoyev rahbarligida amalga oshirilayotgan O‘zbekistonning ulkan salohiyatini to‘laqonli ochish imkoni beruvchi va mamlakatni tarixiy rivojlanishning yangi bosqichiga olib chiquvchi tub islohot va o‘zgarishlarga yuqori baho berdi.

O‘zbekiston va NATO o‘rtasidagi ikki tomonlama munosabatlarning, jumladan harbiy ta'lim sohasidagi hamkorlikning hozirgi holati va istiqbollari, xalqaro hamjamiyatning Afg‘onistonda barqarorlik va xavfsizlikni ta'minlash borasidagi sa'y-harakatlari ham muhokama qilindi.

Yyens Stoltenberg Markaziy Osiyodagi mintaqaviy hamkorlikning rivojlanayotganini alohida ta'kidladi va O‘zbekistonning Afg‘onistondagi mojaroni bartaraf etish masalalaridagi rolini qo‘llab-quvvatladi.

Dilyor Hakimov O‘zbekistonning Benilyuks mamlakatlaridagi (Belgiya, Niderlandiya va Lyuksemburg) elchisi va O‘zbekistonning Yevropa ittifoqidagi missiyasi rahbari hisoblanadi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top