15:36 / 13.01.2020
0
16769
«Paxtaobod paxta tozalash» AJdagi kirdikorlar fosh etildi - Bosh prokuratura
Foto: REUTERS/Stringer/Files

Bosh prokuratura huzuridagi Departamentning Sirdaryo viloyati Sardoba tumani bo‘limi tomonidan tergovga qadar tekshiruv o‘tkazilgan.

Bosh prokuratura xabariga ko‘ra, unda “Paxtaobod paxta tozalash” AJ mansabdor shaxslari va boshqalar o‘zaro til biriktirib, 2019 yil paxta hosilini qabul qilishda, 15 ta holatda fermer xo‘jaliklari tomonidan paxta xomashyosini maskanga topshirilganligi to‘g‘risida soxta ma'lumotlar tuzishib, 90,5 mln. so‘m budjet mablag‘larini o‘zlashtirish va rastrata qilish yo‘li bilan talon-toroj qilinganliklari aniqlangan.

Mazkur holat yuzasidan “Paxtaobod paxta tozalash” AJ mansabdor shaxslari va boshqalarga nisbatan Jinoyat kodeksining tegishli moddalari bilan jinoyat ishi qo‘zg‘atildi.

Qayd etilishicha, hozirda tergov harakatlari o‘tkazilmoqda.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top