18:28 / 19.01.2020
0
10620
Erdo‘g‘an Haftarning tajovuzkorona siyosatini to‘xtatishga chaqirdi
Foto: RIA Novosti

Turkiya prezidenti Rajab Toyyib Erdo‘g‘an Liviyada tinchlik o‘rnatish uchun sulh tuzilishi va Liviya milliy armiyasi qo‘mondoni Xalifa Haftarning tajovuzkorona siyosatini to‘xtatish kerakligini aytdi. U bu haqda Berlinda Liviya bo‘yicha o‘tkaziladigan anjuman arafasida Rossiya prezidenti Vladimir Putin bilan uchrashuvi chog‘ida fikr bildirdi.

"Biz janob Sarojni (Liviya Milliy kelishuv hukumati rahbari) Moskvaga kelishga ko‘ndirish uchun ancha sa'y-harakatlarni amalga oshirdik. U o‘z vazifasini bajardi. Natijada Milliy kelishuv hukumati barcha kutganlari bajarilmagan bo‘lsa ham kelishuv imzoladi. Haftar kelishuvni imzolamadi, u tinchlik tarafdori emasligini, masalani harbiy yo‘l bilan hal qilish niyatida ekanligini ko‘rsatdi", - dedi Erdo‘g‘an.

"Liviyada tinchlik-xotirjamlik o‘rnatilishi uchun Berlin konferensiyasi sulh tuzilishini ta'minlashi hamda masalani siyosiy yo‘l bilan hal qilishi kerak. Haftarning tajovuzkorona mavqeiga chek qo‘yish zarur", - deb ta'kidladi Turkiya prezidenti.

Avvalroq Milliy kelishuv hukumati rahbari Foiz Saroj Xalifa Haftar o‘z hujumini to‘xtatmasa, xalqaro hamjamiyat Liviyaning tinch aholisini himoyalash bo‘yicha harakatlarni amalga oshirishi lozimligini aytgandi.

Mavzu
Liviyadagi urush
2011 yildan buyon fuqarolik urushi holatida bo‘lgan Liviyada vaziyat yanada chigallashmoqda. Turkiya Liviya bilan harbiy sohadagi hamkorlik asosida Afrika shimoliga o‘z harbiylarini yo‘llamoqda.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top