18:29 / 22.01.2020
0
6160
«Bavariya» «Real» futbolchisini safiga qo‘shib oldi

«Real» himoyachisi Alvaro Odriosola mavsumning qolgan qismini Myunxenning «Bavariya» klubida ijara asosida o‘tkazadi.

24 yoshli futbolchi yangi klubi uchun tibbiy ko‘rikdan o‘tdi va shartnomaga imzo chekdi. U bugunoq nemislar klubi mashg‘ulotlariga kirishadi.

Qanot himoyachisi bo‘lgan Odriosola Ispaniya terma jamoasida 4 o‘yin o‘tkazib, bir gol urishga ulgurgan. U «Real»ga 2018 yilning yozida «Real Sosedad»dan kelib qo‘shilgan, madridliklar klubi bilan klublar o‘rtasidagi jahon chempionatida g‘olib bo‘lgan.

Joriy mavsumda Odriosola «Real» safida 5 o‘yinda maydonga tushib, bir golga uzatma bergandi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top