16:43 / 26.01.2020
0
9143
Hindiston shimoli-sharqida to‘rtta portlash yuz berdi
Foto: REUTERS

Hindiston shimoli-sharqidagi Assam shtatida kamida to‘rtta portlash yuz berdi. NDTV telekanalining bildirishicha, hozircha qurbonlar va jarohatlanganlar to‘g‘risida ma'lumot berilmagan.

Portlashlarning uchtasi Dibrugarx shahrida yuz bergan, yana bir portlash Charaydeo shahrida sodir bo‘lgan. Ularning barchasi 10 daqiqa ichida yuz berdi, deb ma'lum qildi mahalliy politsiya vakili.

Dastlabki ma'lumotlarga ko‘ra, noma'lum shaxslar bir nechta granata uloqtirgan. Politsiya teraktlar ortida Assam shtatining Hindistondan ajralib alohida davlat bo‘lishini istayotgan "Assam ozodligi birlashgan fronti" (ULFA) guruhi turganini taxmin qilmoqda.

Portlashlar Hindistonda respublika kuni milliy bayrami nishonlanayotgan kunda amalga oshirildi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top