22:35 / 26.01.2020
1
9470
Qozog‘iston koronavirus sababli Xitoy uchun vizasiz rejimni to‘xtatdi

Qozog‘iston bosh vaziri Askar Mamin Xitoyda tarqalgan koronavirusning tarqalishiga yo‘l qo‘ymaslik va Qozog‘istonda uning oldini olishga qaratilgan choralar bo‘yicha yig‘ilish o‘tkazdi.

“Qozog‘iston prezidenti Qosim-Jo‘mart To‘qayev Xitoydagi koronavirusning Qozog‘iston hududida tarqalishiga yo‘l qo‘ymaslik bo‘yicha qat'iy choralar ko‘rishni buyurdi”, deb aytgan Mamin yig‘ilishda.

Yig‘ilish yakunlariga ko‘ra bosh vazir quyidagi choralarni ko‘rishni topshirgan:

  • davlat chegarasidagi, jumladan havo, avtomobil va temir yo‘l transporti obektlari o‘tkazish punktlarida sanitar-epidemiologik va migratsion nazoratni kuchaytirish;
  •  Xitoydan kelayotgan barcha shaxslar ortidan ularning yashash joyi bo‘yicha tibbiy kuzatuv o‘rnatish; 
  •  Xitoyga xizmat safarlarini cheklash hamda shaxsiy va sayyohlik maqsadlarida Xitoyga bormay turishni tavsiya qilish; 
  •  Xitoydan kelayotgan tranzit yo‘lovchilar uchun Qozog‘iston hududida 72 soat davomida vizasiz qolish rejimi amal qilishini to‘xtatish;
  •  “Xorgos” xalqaro chegarabo‘yi hamkorligi markazining Qozog‘istondagi qismi ishini vaqtinchalik to‘xtatish;
  •  Xitoydagi Qozog‘iston fuqarolariga konsullik va boshqa yordam ko‘rsatish maqsadida ular bilan ishlarni faollashtirish;
  •  zarurat bo‘lganda Uxandagi qozog‘istonlik talabalar va boshqa fuqarolarning favqulodda evakuatsiyasini ta'minlash.
Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top